აპრილიდან რუსული ავიაკომპანია Red Wings Airlines-ი ნიჟნი ნოვგოროდიდან საქართველოს მიმართულებით პირდაპირ ფრენებს იწყებს.
ავიაკომპანიის განრიგს უკვე დაემატა მიმართულებები ნიჟნი ნოვგოროდიდან თბილისისა და ბათუმის მიმართულებით. Red Wings-ის ვებ-გვერდის მიხედვით, ფრენის ღირებულება 8600 რუბლიდან იწყება.
პირველი რეისი თბილისის მიმართულებით 28 აპრილს შესრულდება. ფრენები ნიჟნი ნოვგოროდიდან სამშაბათს შესრულდება, ასევე სამშაბათობით შესრულდება თბილისი-ნიჟნი ნოვგოროდის რეისი.
ხოლო 5 ივნისიდან აღნიშნულ მარშრუტს სიხშირეები დაემატება და ნიჟნი ნოვგოროდიდან თბილისის მიმართულებით ფრენა ხუთშაბათობით, ხოლო თბილისიდან ნიჟნი ნოვგოროდის მიმართულებით პარასკევს.
ამ მარშრუტზე მგზავრობის დრო 3 საათი 20 წუთია.
ბათუმის მიმართულებით ფრენები 26 აპრილს დაიწყება.
თავდაპირველად ფრენები ნიჟნი ნოვგოროდიდან შაბათობით, ბათუმიდან კი კვირაობით განხორციელდება.
28 მაისიდან ფრენების სიხშირე გაიზრდება:
ნიჟნი ნოვგოროდიდან დამატებით რეისი ოთხშაბათს, ბათუმიდან კი – ხუთშაბათს შესრულდება. ფრენა 3 საათი 35 წუთი გაგრძელდება.
