გადასვლა მთავარ შიგთავსზე
მცხეთა - მთიანეთიtravelnews.ge

“ტურისტების 30%-იან ზრდას ველოდებით”-“სახლი ჯუთაში”

ყველა სიახლეზე დაბრუნება
sakhli-jutashi
sakhli-jutashi

ყაზბეგის მუნიციპალიტეტში, სოფელ ჯუთაში მდებარე სასტუმრო ‘’სახლი ჯუთაში“  ზაფხულის სეზონზე ვიზიტორების 30%-იან ზრდას ვარაუდობს.

როგორც სასტუმროს ხელმძღვანელი ნანუკა არაბული “ბიზნესპარტნიორთან” აცხადებს, წინა წელს ინფრასტრუქტურული პრობლემის გამო ტურისტების სიმცირე შეიმჩნეოდა, თუმცა პრობლემის მოგვარებაზე მუშაობა დაწყებულია, რაც სასტუმროს საქმიანობაზეც დადებითად აისახება.

ნანუკა არაბულის თქმით, სასტუმროს დამსვენებლების ძირითადი ნაწილი, დაახლოებით 90% ადგილობრივი მოსახლეობაა. დანარჩენი 10%-ი  უცხოელ ტურისტებს უჭირავს. რაც შეეხება ქვეყნებს, ჯავშნები ძირითადად ევროპული ქვეყნებიდანაა (გერმანია, პოლონეთი), აზიური ქვეყნებიდან კი ჩინელები და იაპონელები სჭარბობენ. 

‘’სახლი ჯუთაში“ წლევანდელ სეზონს განახლებული ინფრასტრუქტურით შეხვდა და 2 ახალი კოტეჯი დაამატა, რისთვისაც კერძო ინვესტიცია განხორციელდა.

სასტუმროს ერთ-ერთი გამოწვევაა, რომ მოთხოვნა პანდემიამდელ მაჩვენებლებს დაუბრუნდეს. ტურისტულ ობიექტს ამისთვის დამატებით 40%-იანი ზრდა სჭირდება, რის შესაძლებლობაც სავარაუდოდ უფრო მომავალ წელს გაჩნდება. ნანუკა არაბულის თქმით, ამის იმედს იძლევა ტურიზმის შესაძლებლობები, რის პოტენციალიც მთიან რეგიონებშია, მათ შორის, ყაზბეგში.

‘’მაქსიმალურად ვემზადებით, რომ შარშანდელზე უკეთესი შედეგი გვქონდეს. ჯავშნების მიხედვით, დაახლოებით 30%-იანი ზრდა გვექნება. სოფლის გზა კეთდება და ეს ძალიან დაგვეხმარება, რომ ტურისტებს ხარისხიანი მომსახურება შევთავაზოთ. სარეაბილიტაციო სამუშაოები დაწყებულია. წინა წელს ამის საშუალება არ იყო, რამაც ძალიან შეგვიშალა ხელი და გამართულად ვერ ვიმუშავეთ. წელს რადიკალურად სხვა მოცემულობა გვექნება, შესაბამისად, მოლოდინიც დადებითია“, – აცხადებს ნანუკა არაბული ‘’ბიზნესპარტნიორთან“.

ცნობისთვის, ‘’სახლი ჯუთაში“ ერთ-ერთი პირველი სასტუმროა, რომელიც ყაზბეგის მუნიციპალიტეტში გაიხსნა. ტურისტულ ობიექტს მომავალ წელს 25 წელი შეუსრულდება.

bp.ge

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ზამთრის დასვენება საქართველოში - გუდაურის სათხილამურო კურორტი
აჭარა

რა ეღირება ზამთრის დასვენება საქართველოში 2026-2027 წელს – სათხილამურო აბონემენტები, სასტუმროები და ტრანსპორტი

ზამთრის დასვენება საქართველოში 2026-2027 წლების სეზონზე გაძვირდება. საქართველოს ოთხ მთავარ სამთო-სათხილამურო კურორტზე - გუდაურში, ბაკურიანში, მესტიასა და გოდერძიზე - საბაგიროების ახალი ტარიფები უკვე ცნობილია. ერთდღიანი აბონემენტების ფასი საქართველოს მოქალაქეებისთვის 50-დან…

საქართველოში ზამთრის ტურიზმი - თეთნულდის სათხილამურო კურორტი.
აჭარა

საქართველოს სამთო-სათხილამურო კურორტები 2026-2027 წლების ზამთრის ტურისტული სეზონისთვის ემზადებიან. სეზონის ოფიციალური გახსნა 20 დეკემბერს, გუდაურში, ბაკურიანში, გოდერძისა და მესტიაში იგეგმება.

ზამთრის ტურიზმი საქართველოში ახალ სეზონს განახლებული ინფრასტრუქტურითა და ახალი შესაძლებლობებით ხვდება. 2026-2027 წლების ზამთრის სეზონისთვის გუდაურში, ბაკურიანში, გოდერძისა და მესტიაში მზადება მიმდინარეობს. პარალელურად, კვლავ აქტუალურია ისეთი გამოწვევები, როგორიცაა საგზაო ინფრასტრუქტურა,…