ავსტრალიის ქალაქ პერთში საერთაშორისო გამოფენა Routes Asia მიმდინარეობს, სადაც თბილისისა და ბათუმის საერთაშორისო აეროპორტებს TAV Airports-ის მარკეტინგის დეპარტამენტი წარმოადგენს.
სამომავლო თანამშრომლობის საკითხების განსახილველად ღონისძიების ფარგლებში უკვე შედგა შეხვედრა ათობით ავიაკომპანიასთან.
ამ შეხვედრების ფარგლებში, TAV Airports-ის წარმომადგენლებმა ავიაკომპანიებს გააცნეს თბილისისა და ბათუმის აეროპორტების სერვისები და პოტენციალი.
Routes Asia წარმოადგენს ერთ-ერთ ყველაზე მსხვილ ღონისძიებას აზია-წყნარი ოკეანის რეგიონში, რომლის მიზანიც ავიაკომპანიების, ტურიზმის სფეროს წარმომადგენლებისა და აეროპორტების ერთ სივრცეში თავმოყრაა.
წლევანდელ შეხვედრაში 600-ზე მეტი ბიზნეს-სუბიექტი მონაწილეობს.
თბილისისა და ბათუმის საერთაშორისო აეროპორტების მმართველი კომპანია ტავ ჯორჯია მუდმივად მუშაობს ახალი მიმართულებების განვითარებაზე.
მხოლოდ თბილისის საერთაშორისო აეროპორტიდან 2025 წელს 8 ახალი ავიაკომპანია იწყებს ოპერირებას, მათ შორის British Airways, EasyJet, Edelweiss, Transavia France, Air Serbia და სხვ.
ბათუმიდან კი ოპერირებას იწყებს 3 ახალი ავიაკომპანია. რაც შეეხება მიმართულებებს, თბილისიდან ზაფხულის სანავიგაციო სეზონზე 13 ახალი მიმართულება ემატება, ბათუმიდან კი 4.
მიმართულებების განვითარებისა და ავიაკომპანიებთან წარმატებული ურთიერთობის გამო Routes Europe 2025-მა თბილისის საერთაშორისო აეროპორტი 5 მილიონამდე მგზავრთნაკადის მქონე 5 საუკეთესო აეროპორტს შორის დაასახელა.
