გადასვლა მთავარ შიგთავსზე
სამეგრელო - ზემო სვანეთიtravelnews.ge

“შიდა ტურიზმზე ვმუშაობთ- “თეთრი სახლი ანაკლიაში”

ყველა სიახლეზე დაბრუნება
tetri saxli
tetri saxli

ანაკლიაში მდებარე სასტუმრო ‘’თეთრი სახლი ანაკლიაში“ აქტიური სეზონისთვის ემზადება. როგორც სასტუმროს დამფუძნებელი მარინე თოდუა “ბიზნესპარტნიორთან”  აცხადებს, ანაკლიის მთავარი პრობლემა დაბალი ცნობადობაა, რის გამოც კურორტს უცხოელი ტურისტების მოზიდვა უჭირს.

რაც შეეხება შიდა ტურიზმს, თოდუას ინფორმაციით, ადგილობრივების მხრიდან საკმაოდ დიდი მოთხოვნაა. მისი თქმით,  სეზონზე დაახლოებით 80-90%-იან დატვირთვას ელის.

ამ მხრივ დიდ შესაძლებლობას იძლევა მუსიკალური ფესტივალები, რაც ანაკლიაში ყოველწლიურად ტარდება. თუმცა, ბოლო წლების განმავლობაში  ფესტივალების მასშტაბი შემცირებულია. ამ მხრივ გარკვეული ნეგატიური გავლენა უცხოელი ტურისტების სიმცირემაც მოახდინა.

მარინე ფიფია კურორტის განვითარების პოტენციალზეც საუბრობს და აცხადებს, რომ ანაკლიას შეუძლია სტუმრებს მსოფლიოს ყველა კუთხიდან უმასპინძლოს. ამ მხრივ განსაკუთრებით დიდი პერსპექტივა აქვს ჩინურ ტურებს, რადგან  ქვეყნებს შორის  უვიზო რეჟიმის დაწესება ჩინეთიდან ტურისტების ნაკადს გაზრდის. მთავარია, სეგმენტამდე ანაკლიის შესახებ ინფორმაცია სწორად მივიდეს და ამ მიმართულებით მარკეტინგული ღონისძიებები გააქტიურდეს.

“ანაკლიას აქვს ტურიზმის განვითარების დიდი შესაძლებლობა, მაგრამ კურორტს ხალხი ნაკლებად იცნობს. უცხოელი ტურისტების დეფიციტი აშკარად იგრძნობა. ბოლო 2-3 წელია, ეს ეს ნეგატიური ტენდენცია გამოიკვეთა. შესაბამისად, აქცენტი შიდა ტურიზმზე კეთდება. ამ მხრივ ძალიან გვეხმარება ელექტრონული მუსიკის ფესტივალი, რომელიც ზაფხულობით ტარდება. წლევანდელი სეზონისთვის ინფრასტრუქტურა მეტ-ნაკლებად მოეწყო, გაკეთდა ატრაქციონი, ბულვარი და სანაპირო ზოლი მოწესრიგდა. ეს ყველაფერი ძალიან დაგვეხმარება, რომ ადგილობრივი დამსვენებლები მოვიზიდოთ. თუკი მარკეტინგული კამპანია გააქტიურდება, ჩინეთიდან მოთხოვნა გაჩნდება, ამისთვის ადგილობრივი ტურისტული კომპანიების როლიც მნიშვნელოვანია“, –  აცხადებს მარინე ფიფია.

მისი თქმით, ანაკლია წყნარი და მშვიდი დასვენების მსურველებისთვის ხელსაყრელი კურორტია, თუმცა ვისაც გართობა იზიდავს, სერვისის მიწოდების კუთხით რეალურად დიდი პრობლემაა. სხვა მხრივ, კურორტი კლიმატური პირობებით იდეალურია.

ცნობისთვის, საოჯახო სასტუმრო „თეთრი სახლი ანაკლიაში“ 2016 წელს გაიხსნა. ის 30 ნომერს და საოჯახო სამზარეულოს მოიცავს, რომლის გაფართოებაც HACCP-ის სტანდარტების შესაბამისად იგეგმება.

bp.ge

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ზამთრის დასვენება საქართველოში - გუდაურის სათხილამურო კურორტი
აჭარა

რა ეღირება ზამთრის დასვენება საქართველოში 2026-2027 წელს – სათხილამურო აბონემენტები, სასტუმროები და ტრანსპორტი

ზამთრის დასვენება საქართველოში 2026-2027 წლების სეზონზე გაძვირდება. საქართველოს ოთხ მთავარ სამთო-სათხილამურო კურორტზე - გუდაურში, ბაკურიანში, მესტიასა და გოდერძიზე - საბაგიროების ახალი ტარიფები უკვე ცნობილია. ერთდღიანი აბონემენტების ფასი საქართველოს მოქალაქეებისთვის 50-დან…

საქართველოში ზამთრის ტურიზმი - თეთნულდის სათხილამურო კურორტი.
აჭარა

საქართველოს სამთო-სათხილამურო კურორტები 2026-2027 წლების ზამთრის ტურისტული სეზონისთვის ემზადებიან. სეზონის ოფიციალური გახსნა 20 დეკემბერს, გუდაურში, ბაკურიანში, გოდერძისა და მესტიაში იგეგმება.

ზამთრის ტურიზმი საქართველოში ახალ სეზონს განახლებული ინფრასტრუქტურითა და ახალი შესაძლებლობებით ხვდება. 2026-2027 წლების ზამთრის სეზონისთვის გუდაურში, ბაკურიანში, გოდერძისა და მესტიაში მზადება მიმდინარეობს. პარალელურად, კვლავ აქტუალურია ისეთი გამოწვევები, როგორიცაა საგზაო ინფრასტრუქტურა,…