საქართველოს ტურიზმის ეროვნული ადმინისტრაციის პროექტი „მზისკარი“ (Mziskari) ევროპის კულტურული ტურიზმის ქსელის (ECTN) პრესტიჟული კონკურსის — ECTN Awards 2026-ის ფინალისტი გახდა.
„მზისკარი“ ნომინაციაში „Creative Tourism and Co-Created Cultural Tourism Experiences“ ევროპის ოთხ საუკეთესო პროექტს შორის მოხვდა.
ECTN Awards 2026-ზე 23 ევროპული ქვეყნიდან სულ 72 განაცხადი იყო წარდგენილი, საიდანაც ფინალისტები სხვადასხვა კატეგორიის მიხედვით შეირჩნენ.
კონკურსის ფარგლებში „მზისკარს“ საზოგადოებრივი არჩევანის — Public Choice Award-ის — ეტაპზეც აქვს მონაწილეობის შესაძლებლობა.
ხმის მისაცემად საჭიროა აირჩიოთ კატეგორია „Creative Tourism and Co-Created Cultural Tourism Experiences“ და მხარი დაუჭიროთ პროექტს.
ECTN Awards 2026-ის გამარჯვებულები 24 სექტემბერს, საბერძნეთის კუნძულ სკიათოსზე, ECTN-ის კონფერენციის ფარგლებში გამართულ დაჯილდოების ცერემონიაზე გამოვლინდებიან.
„მზისკარის“ ფინალისტობა საქართველოსთვის კიდევ ერთი მნიშვნელოვანი საერთაშორისო აღიარებაა და ქვეყნის კულტურული და შემოქმედებითი ტურიზმის მიმართულების ევროპულ სივრცეში წარმოჩენას უწყობს ხელს.
