გადასვლა მთავარ შიგთავსზე
აჭარაtravelnews.ge

მაღალმხარჯველი ტურისტების წილს 30%-მდე გავზრდით

ყველა სიახლეზე დაბრუნება
castelo-mare
castelo-mare

აჭარაში, ციხისძირში მდებარე სასტუმრო “კასტელო მარე” ზაფხულის სეზონს პოზიტიური მოლოდინით ხვდება. როგორც სასტუმროს აღმასრულებელი დირექტორი ზანდა მესხიძე “ბიზნესპარტნიორთან” აცხადებს, “კასტელო მარე”  ზაფხულისთვის  მაღალმხარჯველი ტურისტების მოზიდვას ცდილობს. კომპანიაში ფიქრობენ, რომ თუ ევროპელი ვიზიტორების წილი 30%-მდე გაიზრდება, უკვე კარგი შედეგი იქნება. 

მესიხიძის ინფორმაციით,  2023  წელს აღნიშნული სეგმენტის  წილი 9-11 %-ის ფარგლებში მერყეობდა, რაც ზოგადი ტენდენციით იყო გამოწვეული.  ერთ-ერთ ასეთ ფაქტორად რეგიონის გეოპოლიტიკური მდგომარეობა სახელდება.  მისი განცხადებით, სასტუმროში დამსვენებლების ძირითად სეგმენტს ადგილობრივი მოსახლეობა წარმოადგენს, რომლის წილი 60%-მდეა. 

ევროპელი ტურისტების მოზიდვას სასტუმროს მენეჯმენტი სერვისების გააქტიურებით გეგმავს, განსაკუთრებული აქცენტი  კი სპა-ცენტრზე კეთდება, რითაც განსაკუთრებით ევროპელი ტურისტები ინტერესდებიან. გარდა ამისა, სასტუმროს მენეჯმენტი  აქტიურ მარკეტინგულ კამპანიას გეგმავს, რათა ქვეყნის ტურისტული შესაძლებლობები უკეთ იქნეს აღქმული და დანახული.  ამ მიზნით აჭარის ტურიზმის დეპარტამენტთან ერთად  წელს ”კასტელო მარე”  ტურისტულ გამოფენებში ვილნიუსში, ვენასა და პოლონეთში  მონაწილეობდა.

”მარკეტინგულმა კამპანიამ კარგად იმუშავა, რამდენიმე  მოთხოვნა წამოვიდა. მაისის დასაწყისში ტურისტულ ჯგუფს ვილნიუსიდან ველოდებით. სხვა ქვეყნებიდანაც არის გამოხმაურება, განსაკუთრებით პოლონეთიდან, რაზეც დიდ იმედს ვამყარებთ.  ვფიქრობთ, რომ  წელს ევროპა  საკმაოდ გააქტიურდება, რის შესაძლებლობაც გასულ წელს არ იყო. თუკი მაღალმხარჯველი ტურისტი არ  გვეყოლება,  უბრალოდ, ვერ დავიგეგმებით, ვერაფერს გავაწყობთ. ჩვენი გათვლით,  პოლონეთის წილს  15% -მდე გავზრდით,  ხოლო სხვა ევროპულმა ქვეყნებმა 12%-ის ფარგლებშიც რომ დაიჭირონ,  ძალიან კარგი შედეგი დაიდება.  მთავარია დავარწმუნოთ, რომ ვართ ნამდვილად უსაფრთხო  ქვეყანა. სხვათა შორის, გლობალურ გამოფენებზე  ეს  კითხვები იყო ევროპელი მოქალაქეების მხრიდანაც, რეგიონი ტურიზმისთვის რამდენად უსაფრთხოა”, – აცხადებს ზანდა მესხიძე.

რაც შეეხება განთავსების ღირებულებას, მესხიძის ინფორმაციით, შარშანდელთან შედარებით, ტარიფები  თითქმის იგივე დარჩება, თუმცა პრემიუმ კლასის ფასები  შეიძლება მცირედით დაკორექტირდეს ზრდის მიმართულებით. მაღალ სეზონზე სასტუმროში ნომრის ფასი ერთი ღამით, 300 ლარიდან 900 ლარამდე მერყეობს.

ცნობისთვის, სასტუმრო „კასტელო მარე“ 5 ვარსკვლავიანი, უმაღლესი კლასის სასტუმროა, რომელიც ციხისძირში სანაპიროს პირველ ზოლში მდებარეობს. სასტუმრო 2016 წელს გაიხსნა, რომლის კომპლექსშია სამი კორპუსი (ვიქტორია, დიანა და ალბა) და ვილა აფროდიტე, რომელიც 100 -ზე მეტ ოთახს და 250 სტუმარს იტევს.

bp.ge

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ხელოვნური ინტელექტი ავიაციაში და საერთაშორისო ავიაკომპანიების ციფრული ტექნოლოგიები
აჭარა

როგორ იყენებენ საერთაშორისო ავიაკომპანიები ხელოვნურ ინტელექტს და რას ნიშნავს ეს საქართველოს ტურიზმისთვის?

ხელოვნური ინტელექტი ავიაციაში სულ უფრო მნიშვნელოვან როლს იკავებს და საერთაშორისო ავიაკომპანიების მუშაობის წესს ცვლის. Qatar Airways, Wizz Air, Lufthansa და Turkish Airlines უკვე იყენებენ ხელოვნური ინტელექტის ტექნოლოგიებს მგზავრთა მომსახურების გასაუმჯობესებლად,…

ზამთრის დასვენება საქართველოში - გუდაურის სათხილამურო კურორტი
აჭარა

რა ეღირება ზამთრის დასვენება საქართველოში 2026-2027 წელს – სათხილამურო აბონემენტები, სასტუმროები და ტრანსპორტი

ზამთრის დასვენება საქართველოში 2026-2027 წლების სეზონზე გაძვირდება. საქართველოს ოთხ მთავარ სამთო-სათხილამურო კურორტზე - გუდაურში, ბაკურიანში, მესტიასა და გოდერძიზე - საბაგიროების ახალი ტარიფები უკვე ცნობილია. ერთდღიანი აბონემენტების ფასი საქართველოს მოქალაქეებისთვის 50-დან…