გადასვლა მთავარ შიგთავსზე
იმერეთიtravelnews.ge

ქუთაისში დღეს გემოფესტი მიმდინარეობს

ყველა სიახლეზე დაბრუნება
gemofesti kutaisshi
gemofesti kutaisshi

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით 26, 27 და 28 ივნისს, ქუთაისში, გასტრონომიული ფესტივალი „გემოფესტი“ გაიმართება.

ფესტივალი სამივე დღეს 15:00 საათიდან 00:00 საათამდე ვერიკო ანჯაფარიძის სკვერის მიმდებარე ტერიტორიაზე ჩატარდება, დასწრება თავისუფალია.

„გემოფესტში“ პირველად აფხაზეთიდან 10 მეწარმე მიიღებს მონაწილეობას. ჯამში ფესტივალზე 20-მდე მეწარმე და18 ვენდორი იქნება წარმოდგენილი.

ფესტივალის ფარგლებში მოეწყობა სამეწარმეო ბაზარი, ღვინისა და ხემსის პავილიონი, აგრო ზონა, საბავშვო სივრცე, გრილისა და ბარის ზონები.

„გემოფესტის“ სტუმრებს შესაძლებლობა ექნებათ დააგემოვნონ როგორც ტრადიციული, ასევე იშვიათი და ნაკლებად ცნობილი იმერული კერძები და მონაწილეობა მიიღონ ფესტივალის გასართობ აქტივობებში.

ღონისძიების მუსიკალურ პროგრამას დიჯეები და ბენდი გააფორმებენ.

27 ივნისს კონცერტზე წარმოდგენილი იქნება უცხოელი შემსრულებელი – სერ ვალდო ვეზერსი, მსოფლიოში ცნობილი საქსოფონისტი, რომელიც ცნობილია, ჯეიმს ბრაუნთან ხანგრძლივი თანამშრომლობით. 

27 ივნისს 18:00 საათზე ფესტივალზე უელსი – საქართველოს რაგბის ახალგაზრდული მსოფლიო ჩემპიონატის ჩვენება მოეწყობა.

ტურიზმის ეროვნული ადმინისტრაციის ორგანიზებით ფესტივალს გააშუქებენ საერთაშორისო მედიის წარმომადგენლებიც, „გემოფესტს“ დაესწრება ნიდერლანდებიდან ინფლუენსერი ვულფ ალექსანდერი გადამღებ ჯგუფთან ერთად.

 ალექსანდერი საქართველოს გასტრო ტურისტული პოტენციალის შესახებ ვიდეორგოლს ამზადებს. ფესტივალზე წარმოდგენილები იქნებიან კულინარიისა და ტურიზმის თემებზე მომუშავე ჟურნალისტები არაბთა გაერთიანებული საამიროებიდან და ომანიდან, მედიის წარმომადგენლები საქართველოს ტურისტული მიმართულების, მათ შორის ქართული კერძებისა და ფესტივალების შესახებ სტატიებს მოამზადებენ.

„გემოფესტის“ მიზანია, საქართველოს რეგიონების მრავალფეროვანი სამზარეულოს პოპულარიზაცია და აღნიშნულ სფეროში მომუშავე ადგილობრივი მეწარმეების ხელშეწყობა. ფესტივალი ერთ სივრცეში გააერთიანებს ადგილობრივ მწარმოებლებს, მეწარმეებსა და გასტრონომიის მოყვარულებს, რაც რეგიონული პროდუქციის პოპულარიზაციასა და ადგილობრივი ბიზნესის განვითარებას შეუწყობს ხელს.

ინფორმაციას ტურიზმის ეროვნული ადმინისტრაცია ავრცელებს

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ხელოვნური ინტელექტი ავიაციაში და საერთაშორისო ავიაკომპანიების ციფრული ტექნოლოგიები
აჭარა

როგორ იყენებენ საერთაშორისო ავიაკომპანიები ხელოვნურ ინტელექტს და რას ნიშნავს ეს საქართველოს ტურიზმისთვის?

ხელოვნური ინტელექტი ავიაციაში სულ უფრო მნიშვნელოვან როლს იკავებს და საერთაშორისო ავიაკომპანიების მუშაობის წესს ცვლის. Qatar Airways, Wizz Air, Lufthansa და Turkish Airlines უკვე იყენებენ ხელოვნური ინტელექტის ტექნოლოგიებს მგზავრთა მომსახურების გასაუმჯობესებლად,…

: ხელოვნური ინტელექტი ტურიზმში და მოგზაურობის დაგეგმვა AI ასისტენტის დახმარებით
აჭარა

როგორ ცვლის ხელოვნური ინტელექტი ტურიზმს და რა უნდა იცოდნენ ქართულმა ტურისტულმა ბიზნესებმა?

AI ტურიზმში საქართველოში ახალ შესაძლებლობებს ქმნის და თანდათან ცვლის როგორც მოგზაურების ქცევას, ისე ტურისტული კომპანიების მუშაობის წესებს. მოგზაურებს უკვე შეუძლიათ AI ასისტენტების დახმარებით შეარჩიონ მიმართულებები, დაგეგმონ მარშრუტები, შეადარონ სასტუმროები და…