გადასვლა მთავარ შიგთავსზე
იმერეთიtravelnews.ge

გალას კონცეფცია პოეტების მეფეს, გალაკტიონს უკავშირდება

ყველა სიახლეზე დაბრუნება

2 კვირის წინ ქუთაისში ახალი კონცეპტუალური რესტორანი „გალა“ გაიხსნა. როგორც „კომერსანტთან“ საუბრისას რესტორნის დამფუძნებელი ლილე მაღლაფერიძე ამბობს, „გალას“ კონცეფცია პოეტების მეფეს, გალაკტიონ ტაბიძეს უკავშირდება. კერძებს რაც შეეხება, მენიუში აქცენტი იმერული კერძებზე აქვთ. „გალას“ კიდევ ერთი სახასიათო შტრიხი სტუმრების თიხის, ქართული ტრადიციული ავთენტიკური ჭურჭლით მომსახურებაა.

ლილე მაღლაფერიძე ჰორეკა სექტორში 3 წლის წინ, პანდემიის შემდეგ გამოჩნდა და ქუთაისში რესტორანი „ლილესთან“ გახსნა, რომელმაც გასულ წელს Gault&Millau Georgia-ს ჯილდო მიიღო და 2023 წლის იმერეთის საუკეთესო კონცეპტუალური რესტორანი გახდა. რესტორან „ლილესთან“ წარმატების შემდეგ, ლილე მაღლაფერიძემ, პარტნიორებთან ერთად, ახალი რესტორანი – „გალა“ გახნა.

„გალა“ არის კონცეპტუალური რესტორანი, რომელიც 2 კვირის წინ გაიხსნა. კონცეფცია ეფუძნება გალაკტიონ ტაბიძეს. საკმაოდ დიდი სივრცეა, გამოფენილია გალაკტიონის ნახატები, ლექსები და წერილები ოლია ოკუჯავასთან. ძირითადად გამოყენებულია ქართული თიხის ჭურჭელი, რომელიც შექმნილია ეთნოგრაფიული მუზეუმის ნამუშევრების პროტოტიპების მიხედვით. გვინდოდა, რომ მხოლოდ თიხის ჭურჭლით მოვმსახურებოდით სტუმრებს, მაგრამ მოჭიქული ჭურჭლის კულტურა ნაკლებადაა განვითარებული იმერეთში და თიხის ჭიქების გამოყენება ვერ შევძელით, თეფშებს და კეცებს აქტიურად ვიყენებთ.

ინტერიერში გამოყენებულია ხის მასალა, რაც თბილ გარემოს ქმნის და ეს ყველაფერი დაგვირგვინებულია ქართული ავთენტიკური სამზარეულოთი  – არა მხოლოდ დასავლეთ, არამედ აღმოსავლეთ საქართველოდან“, – გვიყვება ლილე მაღლაფერიძე.

რაც შეეხება რესტორნის შექმნის ინვესტიციას, „გალა“ ლილე მაღლაფერიძემ გრანტის გარეშე, პარტნიორებთან ერთად გახსნა: „პარტნიორებმა თანამონაწილეობა განახორციელეს პირადი უძრავი ქონების საფუძველზე, ჩვენი იყო მხოლოდ სამზარეულოს ინვენტარი და ავეჯი. დანახარჯი 50 000 ლარის ფარგლებში დავთვალეთ“, – ამბობს ლილე მაღლაფერიძე.

რესტორნის დამფუძნებლის თქმით, 2 კვირის სტატისტიკით თუ ვიმსჯელებთ, „გალას“ თანაბრად სტუმრობენ როგორც ქართველები, ისე უცხოელები. რესტორანი საშუალო სეგმენტზეა გათვლილი და ფასებიც ხელმისაწვდომია, ძირითადი სამიზნე ჯგუფი მაინც ქართული, ქუთაისური აუდიტორიაა.

„ვფიქრობ, რომ საშუალო ფასები გვაქვს. „გალა“ უნდა იყოს რესტორანი ყველასთვის, ჩვენი ძირითადი სამიზნე ჯგუფი ქართული, ქუთაისური აუდიტორიაა, შესაბამისად, ფასები არის ძალიან მისაღები, საშუალო და ზოგჯერ საშუალოზე დაბალი“, – ამბობს ლილე მაღლაფერიძე.

რესტორნის დამფუძნებლის თქმით, „გალას“ საფირმო კერძი იმერული დაფაა, რომელიც რამდენიმე იმერული კერძის ერთობლიობაა. მის შემადგენლობაში შედის – ხაჭაპური, წიწილი, რამდენიმე მხალი. ფასი 110 ლარია.

„გალას“ სივრცე 100 პერსონაზეა განსაზღვრული და რესტორანში  10 ადამიანია დასაქმებული.

commersant.ge

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ხელოვნური ინტელექტი ავიაციაში და საერთაშორისო ავიაკომპანიების ციფრული ტექნოლოგიები
აჭარა

როგორ იყენებენ საერთაშორისო ავიაკომპანიები ხელოვნურ ინტელექტს და რას ნიშნავს ეს საქართველოს ტურიზმისთვის?

ხელოვნური ინტელექტი ავიაციაში სულ უფრო მნიშვნელოვან როლს იკავებს და საერთაშორისო ავიაკომპანიების მუშაობის წესს ცვლის. Qatar Airways, Wizz Air, Lufthansa და Turkish Airlines უკვე იყენებენ ხელოვნური ინტელექტის ტექნოლოგიებს მგზავრთა მომსახურების გასაუმჯობესებლად,…

: ხელოვნური ინტელექტი ტურიზმში და მოგზაურობის დაგეგმვა AI ასისტენტის დახმარებით
აჭარა

როგორ ცვლის ხელოვნური ინტელექტი ტურიზმს და რა უნდა იცოდნენ ქართულმა ტურისტულმა ბიზნესებმა?

AI ტურიზმში საქართველოში ახალ შესაძლებლობებს ქმნის და თანდათან ცვლის როგორც მოგზაურების ქცევას, ისე ტურისტული კომპანიების მუშაობის წესებს. მოგზაურებს უკვე შეუძლიათ AI ასისტენტების დახმარებით შეარჩიონ მიმართულებები, დაგეგმონ მარშრუტები, შეადარონ სასტუმროები და…