გადასვლა მთავარ შიგთავსზე
იმერეთიtravelnews.ge

FlyArystan -ი ქუთაისში ფრენების სიხშირეს ზრდის

ყველა სიახლეზე დაბრუნება
FlyArystan
FlyArystan

ყაზახურმა დაბალბიუჯეტიანმა ავიაკომპანიამ FlyArystan ივლისის განმავლობაში გააფართოვა ფრენების განრიგი საქართველოს ერთ-ერთ მთავარ ტურისტულ ცენტრში — ქუთაისში. განახლებული პროგრამა 2025 წლის 1-ლი ივლისიდან 31 ივლისის ჩათვლით იქნება ძალაში და მოიცავს დამატებითო რეისებსა და არსებულების სიხშირის 20-დან 60 პროცენტამდე გაზრდას, რაც კიდევ უფრო გაამარტივებს და დააიაფებს მოგზაურობას როგორც ადგილობრივი, ისე საერთაშორისო მგზავრებისთვის.

განრიგი ქუთაისის მიმართულებით:

  • ათირაუ – ყოველ ორშაბათს, სამშაბათს, ოთხშაბათს, ხუთშაბათს, პარასკევსა და კვირას;
  • აქტაუ – ორშაბათს, ოთხშაბათს, ხუთშაბათს, პარასკევსა და შაბათს;
  • შიმკენტი – ორშაბათს, ხუთშაბათს და შაბათს;
  • ასტანა – ორშაბათს, სამშაბათს, ოთხშაბათს, პარასკევს, შაბათსა და კვირას.

რეისები ქუთაისიდან:

  • ათირაუ – ორშაბათს, სამშაბათს, ოთხშაბათს, ხუთშაბათს, პარასკევსა და კვირას;
  • აქტაუ – სამშაბათს, ოთხშაბათს, პარასკევს, შაბათსა და კვირას;
  • შიმკენტი – ორშაბათს, ხუთშაბათს და შაბათს;
  • ასტანა – ორშაბათს, სამშაბათს, ოთხშაბათს, პარასკევს, შაბათსა და კვირას.

რაც შეეხება ალმათიდან ქუთაისში ფრენებს, ისინი ივლისის განმავლობაშიც უცვლელი განრიგით გაგრძელდება — კვირაში ოთხჯერ: ორშაბათს, ოთხშაბათს, პარასკევსა და შაბათს.

ბილეთების შეძენა შესაძლებელია FlyArystan-ის მობილური აპლიკაციით, ოფიციალურ ვებგვერდზე www.flyarystan.com და სხვა ხელმისაწვდომი არხებით. სტანდარტული ტარიფი მოიცავს ერთ ხელბარგს (არაუმეტეს 5 კგ, ზომებით 56 x 23 x 36 სმ) და შემთხვევით შერჩეულ ადგილს ბორტზე. ავიაკომპანია მგზავრებს ურჩევს ბილეთებისა და დამატებითი მომსახურებების ონლაინ შეძენას, რაც ხარჯების 70%-მდე დაზოგვის საშუალებას იძლევა.

ავიაკომპანიის შესახებ

FlyArystan არის ყაზახური დაბალბიუჯეტიანი ავიაკომპანია და Air Astana Group-ის 100%-იანი შვილობილი კომპანია. მან ოპერირება 2019 წლის მაისში დაიწყო, ხოლო 2025 წლის იანვრიდან მიიღო დამოუკიდებელი საჰაერო ოპერატორის სერტიფიკატი და ფუნქციონირებს FS კოდის ქვეშ.

ავიაკომპანია ახორციელებს ფრენებს Airbus A320 ტიპის თანამედროვე ფლოტით და ფლობს ბაზებს ალმათში, ასტანასა და აქტაუში. მისი მარშრუტების ქსელი მოიცავს როგორც შიდა, ისე საერთაშორისო და ჩარტერულ რეისებს.

FlyArystan-ს აღიარება სამჯერ მოეპოვა Skytrax World Airline Awards-ის ფარგლებში და დაჯილდოებული იქნა, როგორც ცენტრალური აზიისა და დსთ-ის საუკეთესო დაბალბიუჯეტიანი ავიაკომპანია 2023, 2024 და 2025 წლებში.

avianews.ge

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

საქართველოს საიმიჯო სარეკლამო ბანერი ლონდონში
თბილისი

დიდი ბრიტანეთიდან საქართველოში ვიზიტები იზრდება – საქართველოს რეკლამა 50 ლოკაციაზე

დიდი ბრიტანეთიდან საქართველოში ვიზიტები იზრდება, რაც ბრიტანეთის ტურისტული ბაზრის მნიშვნელობას კიდევ უფრო აძლიერებს. საქართველოს ტურიზმის ეროვნული ადმინისტრაცია საერთაშორისო მოგზაურების მოსაზიდად დიდ ბრიტანეთში მარკეტინგულ კამპანიას აგრძელებს. კამპანიის ფარგლებში საქართველოს საიმიჯო სარეკლამო…

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ხელოვნური ინტელექტი ავიაციაში და საერთაშორისო ავიაკომპანიების ციფრული ტექნოლოგიები
აჭარა

როგორ იყენებენ საერთაშორისო ავიაკომპანიები ხელოვნურ ინტელექტს და რას ნიშნავს ეს საქართველოს ტურიზმისთვის?

ხელოვნური ინტელექტი ავიაციაში სულ უფრო მნიშვნელოვან როლს იკავებს და საერთაშორისო ავიაკომპანიების მუშაობის წესს ცვლის. Qatar Airways, Wizz Air, Lufthansa და Turkish Airlines უკვე იყენებენ ხელოვნური ინტელექტის ტექნოლოგიებს მგზავრთა მომსახურების გასაუმჯობესებლად,…