ევროპის წამყვანი სამედიცინო სპა-ოპერატორი, Ensana საქართველოში “კურორტ საირმეში” შემოდის. ამის შესახებ ინფორმაციას Ensana საკუთარ Facebook გვერდზე აქვეყნებს.
საერთაშორისო კომპანიის მიერ გავრცელებული ინფორმაციის თანახმად, Ensana 2026 წლიდან კომპანია “კურორტი საირმის” სამ ობიექტზე დაიწყებს ოპერირებას: New Sairme, Sairme Resort და Sairme Public Spa.
როგორც Ensana-ს განცხადებაშია აღნიშნული, ამჟამად სასტუმროებში მიმდინარეობს განახლება და გაფართოება. ეს იქნება Ensana-ს პირველი პროექტი ქართულ ბაზარზე.
შეგახსენებთ, Ensana ევროპაში წამყვანი სამედიცინო, ველნეს და სპა-ოპერატორი კომპანიაა.
