გადასვლა მთავარ შიგთავსზე
აჭარაtravelnews.ge

6 თვეში საქართველოში 3 მლმ-ზე მეტი ვიზიტი შედგა 

ყველა სიახლეზე დაბრუნება
turizmis statistika
turizmis statistika

საქართველოში 2026 წლის იანვარი-ივნისის პერიოდში საერთაშორისო ტურისტული ვიზიტების რაოდენობამ 2,272,964 შეადგინა, რაც 2025 წლის ანალოგიურ პერიოდთან შედარებით 2,601 ვიზიტით მეტია (ზრდა 0.1%). საერთაშორისო მოგზაურთა ვიზიტების რაოდენობამ ორივე კვარტალში ჯამურად 3,050,173 შეადგინა, რაც 2025 წლის ანალოგიურ პერიოდთან შედარებით 103,568 ვიზიტით ნაკლებია (კლება 3.3%). 2026 წლის იანვარი-ივნისის პერიოდში ტურიზმიდან მიღებული შემოსავლები 2%-ით შემცირდა და 1.9 მილიარდი აშშ. დოლარი შეადგინა.

მეორე კვარტალში, აპრილი-ივნისის პერიოდში, საქართველოში 1,275,435 საერთაშორისო ტურისტული ვიზიტი შედგა, რაც 2025 წლის ანალოგიურ პერიოდთან შედარებით 35,981 ვიზიტით ნაკლებია (კლება 2.7%). საერთაშორისო მოგზაურთა რაოდენობამ კი მეორე კვარტალში 1,749,668 შეადგინა, რაც 89,245 ვიზიტით ნაკლებია 2025 წლის ანალოგიურ პერიოდთან შედარებით (კლება 4.9%). 2026 წლის მეორე კვარტალში, ტურიზმიდან მიღებული შემოსავლები 3.8%-ით შემცირდა და 1.1 მილიარდი აშშ. დოლარი შეადგინა.

კლება განპირობებულია იმ ქვეყნებიდან შემცირებული ტურისტული ნაკადებით, რომლებზეც პირდაპირ აისახა რეგიონული კონფლიქტი და მასთან დაკავშირებული ავიამიმოსვლის შეზღუდვები. საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის დივერსიფიკაციის პოლიტიკის და ტურისტულ ბაზრებზე აქტიური მარკეტინგული კამპანიების შედეგად, მოსალოდნელი ზიანი მნიშნელოვნად შემცირებულია და თვალსაჩინოა ზრდა სხვა მიზნობრივი ბაზრებიდან. კერძოდ, რეკორდულად მაღალი ვიზიტები ფიქსირდება ევროპიდან, ასევე იზრდება ვიზიტები ჩინეთიდან და შუა აზიიდან.

2026 წლის იანვარი-ივნისის მონაცემებით, ევროკავშირის ქვეყნებიდან და დიდი ბრიტანეთიდან საქართველოში რეკორდული მაღალი 249,201 ვიზიტი შედგა (ზრდა 23.4%). ასევე, მეორე კვარტლის მაჩვენებლითაც, დაფიქსირდა ისტორიული მაქსიმუმი 152,975 ვიზიტი, რაც 2025 წელთან შედარებით 19.4%-ით მეტია. 2026 წლის იანვარი-ივნისის პერიოდში, ტურიზმიდან მიღებული შემოსავლები რაოდენობრივად ყველაზე მეტად გაიზარდა ევროკავშირიდან და დიდი ბრიტანეთიდან და რეკორდულ 335.7 მლნ.აშშ დოლარს მიაღწია, რაც გასული წლის ორი კვარტლის მონაცემზე 58.6 მლნ. აშშ. დოლარით მეტია (ზრდა 21.2%), ხოლო მეორე კვარტალში ტურიზმიდან მიღებული შემოსავლები გასული წლის ორი კვარტლის მონაცემზე 21.1 მლნ. აშშ. დოლარით მეტია (ზრდა 12.1%) და რეკორდულ 194.9 მლნ. აშშ. დოლარს შეადგენს.

2026 წლის ორი კვარტლის მონაცემებით, საქართველოში ჩინეთიდან 54,554 საერთაშორისო ვიზიტი დაფიქსირდა, რაც 16.7%-ით მეტია გასული წლის ანალოგიურ პერიოდთან შედარებით, მეორე კვარტალში კი ზრდამ 3.2% შეადგინა. შუა აზიის ქვეყნებიდან, ორი კვარტლის მონაცემებით, განხორციელდა 115,416 საერთაშორისო ვიზიტი (ზრდა 3.1%), მეორე კვარტალში ზრდა 6.9 % წარმოადგენს.

დივერსიფიცირებული ბაზრების პოლიტიკის თანახმად, ბოლო წლების განმავლობაში, აქტიუტად მიმდინარეობს მსხვილი, მრავალკომპონენტიანი მარკეტინგული კამპანიები, რომელიც მოიცავს, ერთი მხრივ, საქართველოს შესახებ ცნობადონის ამაღლებას, ხოლო, მეორე მხრივ, ბიზნესის ხელშეწყობას. სწორედ მსგავსი ტიპის მიზნობრივი ღონისძიებებისა და თანმიმდევრული აქტივობების შედეგია, რომ იმ ქვეყნებიდან, სადაც ვითარება სტაბილურია ტურისტული ნაკადების ზრდის ტენდენცია ნარჩუნდება. დღეს საქართველოში, ისტორიული მაქსიმუმით, 85 ავიაკომპანია 125 მიმართულებით ოპერირებს, ავიაბაზარზე ოპერირება დაიწყეს ავიაკომპანიებმა: Norwegian-მა კოპენჰაგენი-თბილისის, ხოლო China Eastern Airlines-მაშანხაი-თბილისის მიმართულებით.

ცნობისთვის, გაეროს ტურიზმის ორგანიზაციის https://www.untourism.int/news/international-tourism-up-2-in-q1-2026-amid-growing-uncertainty პროგნოზით,  მოსალოდნელია, 2026 წელს საერთაშორისო ვიზიტების ზრდის ტემპის 3-4%-ით შემცირება, აღნიშნული დამოკიდებულია კონფლიქტის ხანგრძლივობასა და გავრცელების არეალზე.

ინფორმაციას ტურიზმის ეროვნული ადმინისტრაცია ავრცელებს

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

საქართველოს საიმიჯო სარეკლამო ბანერი ლონდონში
თბილისი

დიდი ბრიტანეთიდან საქართველოში ვიზიტები იზრდება – საქართველოს რეკლამა 50 ლოკაციაზე

დიდი ბრიტანეთიდან საქართველოში ვიზიტები იზრდება, რაც ბრიტანეთის ტურისტული ბაზრის მნიშვნელობას კიდევ უფრო აძლიერებს. საქართველოს ტურიზმის ეროვნული ადმინისტრაცია საერთაშორისო მოგზაურების მოსაზიდად დიდ ბრიტანეთში მარკეტინგულ კამპანიას აგრძელებს. კამპანიის ფარგლებში საქართველოს საიმიჯო სარეკლამო…

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ხელოვნური ინტელექტი ავიაციაში და საერთაშორისო ავიაკომპანიების ციფრული ტექნოლოგიები
აჭარა

როგორ იყენებენ საერთაშორისო ავიაკომპანიები ხელოვნურ ინტელექტს და რას ნიშნავს ეს საქართველოს ტურიზმისთვის?

ხელოვნური ინტელექტი ავიაციაში სულ უფრო მნიშვნელოვან როლს იკავებს და საერთაშორისო ავიაკომპანიების მუშაობის წესს ცვლის. Qatar Airways, Wizz Air, Lufthansa და Turkish Airlines უკვე იყენებენ ხელოვნური ინტელექტის ტექნოლოგიებს მგზავრთა მომსახურების გასაუმჯობესებლად,…