გადასვლა მთავარ შიგთავსზე
კახეთიtravelnews.ge

თელავის აეროპორტი 2025 წლის მაისში მიიღებს ფრენებს

ყველა სიახლეზე დაბრუნება
telavis aeroporti
telavis aeroporti

თელავის აეროპორტი იქნება კიდევ ერთი აეროპორტი, რომელიც პირველ რიგში, გაზრდის მობილობას ქვეყნის შიგნით და საჭიროების შემთხვევაში მზად ვართ, რომ საერთაშორისო მიმართულებაზეც ვიფიქროთ, – განაცხადა საქართველოს აეროპორტების გაერთიანების გენერალურმა დირექტორმა ირაკლი ქარქაშაძემ „დღის ქრონიკაში“.

მისი განცხადებით, უკვე დასრულებულია თელავის აეროპორტის პროექტირება როგორც სააეროდრომო, ისე სატერმინალო და სახმელეთო მიმართულებით. 

„უახლოეს მომავალში გამოვაცხადებთ სამშენებლო ტენდერს. ვგეგმავთ, რომ 2025 წლის მაისისთვის უკვე უნდა ვიყოთ მზად იმისთვის, რომ პირველი ფრენები მივიღოთ და თელავის აეროპორტი დავაკავშიროთ ყველა ჩვენს კერძო მფლობელობაში არსებულ აეროპორტს – ქუთაისს, ბათუმს, მესტიას, ამბროლაურსა, ასევე თბილისსაც საჭიროების შემთხვევაში იმის მიუხედავად, რომ ძალიან ახლოს არის თელავთან. თელავის აეროპორტი იქნება კიდევ ერთი აეროპორტი, რომელიც პირველ რიგში, გაზრდის მობილობას ქვეყნის შიგნით და საჭიროების შემთხვევაში მზად ვართ, რომ საერთაშორისო მიმართულებაზეც ვიფიქროთ. ეს დამოკიდებული იქნება, რა თქმა უნდა, მოთხოვნაზე“, – განაცხადა ირაკლი ქარქაშაძემ.

მისი შეფასებით, თელავის აეროპორტი მნიშვნელოვანი იქნება ტურიზმის კუთხით.

„ისეთი რელიეფის მქონე ქვეყანაში, როგორც ჩვენ ვართ, ძალიან მნიშვნელოვანია სწრაფი მობილობა და გადაადგილება, როგორც სტრატეგიული მნიშვნელობით, ასევე ჩვენი მოქალაქეების კომფორტისთვის, ტურისტებისთვის და საერთაშორისო ვიზიტორებისთვის. მნიშვნელოვანია, რომ მათ გზაში არ დაკარგონ დრო და მოინახულონ რაც შეიძლება, მეტი რეგიონი. ტურისტულად ძალიან მიმზიდველი იქნება, როდესაც ერთ დღეში შეგიძლია, აჭარის საოცარი ბუნებით მიიღო სიამოვნება და დღის ბოლოს კახეთში დააგემოვნო უნიკალური ღვინო და ის კულტურა, რომელი ამ რეგიონს გააჩნია. შესაბამისად, ეკონომიკურადაც უმნიშვნელოვანესია, რომ კახეთში გვექნება სრულფასოვანი და სრულად ოპერირებადი აეროპორტი“, – განაცხადა ირაკლი ქარქაშაძემ.

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

იტალიელი ჟურნალისტების ველომოგზაურობა საქართველოში პროექტ Bike & Wine Georgia-ს ფარგლებში
კახეთი

იტალიელი ჟურნალისტები საქართველოს ღვინის რეგიონებს ველოსიპედებით ეწვივნენ – „Bike & Wine Georgia“

საქართველოს ტურიზმის ეროვნული ადმინისტრაციის ორგანიზებით, იტალიელი ჟურნალისტები საქართველოში პრესტურის „Bike & Wine Georgia“-ს ფარგლებში იმყოფებოდნენ. ოთხდღიანი მოგზაურობის ფარგლებში, ჟურნალისტებმა ველოსიპედებით მოინახულეს თბილისის ისტორიული უბნები. ისინი ასევე ეწვივნენ ქვემო ქართლისა და…

: ხელოვნური ინტელექტი ტურიზმში და მოგზაურობის დაგეგმვა AI ასისტენტის დახმარებით
აჭარა

როგორ ცვლის ხელოვნური ინტელექტი ტურიზმს და რა უნდა იცოდნენ ქართულმა ტურისტულმა ბიზნესებმა?

AI ტურიზმში საქართველოში ახალ შესაძლებლობებს ქმნის და თანდათან ცვლის როგორც მოგზაურების ქცევას, ისე ტურისტული კომპანიების მუშაობის წესებს. მოგზაურებს უკვე შეუძლიათ AI ასისტენტების დახმარებით შეარჩიონ მიმართულებები, დაგეგმონ მარშრუტები, შეადარონ სასტუმროები და…