2025 წლის იანვარ-თებერვალში ტურიზმიდან მიღებული შემოსავლები წლიურად 0.7%-ით გაიზარდა. ამის შესახებ Galt & Taggart-ის მიერ მომზადებულ პუბლიკაციაშია აღნიშნული.
ირკვევა, რომ იანვარ-თებერვალში ტურიზმიდან მიღებულმა შემოსავლებმა 536 მლნ აშშ დოლარი შეადგინა.
„ჩვენი შეფასებით, 2025 წლის თებერვალში ტურიზმიდან მიღებულმა შემოსავლებმა 246 მლნ აშშ დოლარი შეადგინა (უცვლელი წ/წ). ჯამურად, 2025 წლის იანვარ-თებერვალში ტურიზმიდან მიღებული შემოსავლები წლიურად 0.7%-ით გაიზარდა და 536 მლნ აშშ დოლარს გაუტოლდა.
ჩვენი შეფასებით. ჩვენი პროგნოზით, ტურიზმიდან მიღებული შემოსავლები 4.5 მლრდ აშშ დოლარს მიაღწევს 2025 წელს“, – განმარტავენ Galt & Taggart-ში.
