საქართველოს აეროპორტებმა 2024 წლის იანვარ-აგვისტოში პოსტპანდემიურ მაჩვენებელთან შედარებით მგზავრთნაკადის 36%-იანი ზრდა აჩვენეს.
საქართველოს აეროპორტები რეგულარული და არარეგულარული რეისებით ჯამში 5 მლნ-მდე მგზავრს მოემსახურა, რაც 27%-ით მეტია 2023 წლის 8 თვის მონაცემებთან შედარებით, ხოლო 75%-ით მეტი ვიდრე 2022 წლის ანალოგიურ პერიოდში.
სტატისტიკური მონაცემების მიხედვით, საქართველოს აეროპორტები პანდემიამდელ პერიოდში ანუ 2019 წლის იანვარ-აგვისტოში 3 646 210 მგზავრს მოემსახურა, 2022 წლის იანვარ-აგვისტოში 2 822 687 მგზავრს, 2023 წლის იანვარ-აგვისტოში 3 904 125 მგზავრს, ხოლო 2024 წლის იანვარ-აგვისტოში კი 4 941 085 მგზავრს.
სტატისტიკური მაჩვენებლების მიხედვით, 2023 წლის 8 თვის განმავლობაში ბათუმის საერთაშორისო აეროპორტი 443 505 მგზავრს, 2022 წლის იანვარ-აგვისტოში 416 657 მგზავრს, ხოლო 2019 წლის იანვარ-აგვისტოში კი 444 252 მგზავრს მოემსახურა.
ქუთაისის საერთაშორისო აეროპორტმა 2024 წლის იანვარ-აგვისტოს მონაცემებით პანდემიამდე არსებულ მაჩვენებლებთან შედარებით მგზავრთნაკადის 107%-იანი ზრდა აჩვენა. სამოქალაქო ავიაციის სააგენტოს მონაცემებით, 2024 წლის იანვარ-აგვისტოში 2023 წლის ანალოგიურ პერიოდთან შედარებით მგზავრთნაკადის 6%-იანი ზრდა დაფიქსირდა, 2022 წლის ანალოგიურ პერიოდთან შედარებით კი 119%-იანი ზრდა
2019 წლის 8 თვეში ქუთაისის საერთაშორისო აეროპორტი 537 826 მგზავრს მოემსახურა, 2022 წლის იანვარ-აგვისტოში 508 557 მგზავრს, 2023 წლის 8 თვეში 1 052 199 მგზავრს, ხოლო 2024 წლის ანალოგიურ პერიოდში 1 112 218 მგზავრს.
რაც შეეხება ადგილობრივ აეროპორტებს, მიმდინარე წლის 8 თვის მონაცემებით 33%-იანი ზრდა ფიქსირდება. 2024 წლის იანვარ-აგვისტოში აეროპორტი 9 286 მგზავრს მოემსახურა, ხოლო 2023 წლის ანალოგიურ პერიოდში კი 7 007 მგზავრს. აღსანიშნავია, რომ პანდემიამდელ პერიოდთან შედარებით აეროპორტში მგზავრთნაკადის 71%-იანი ზრდა ფიქსირდება.
ამბროლაურის აეროპორტი 2024 წლის იანვარ-აგვისტოში 1345 მგზავრს მოემსახურა, 2023 წლის ანალოგიურ პერიოდში კი 1 512 მგზავრს, კლება 11%-ია. რაც შეეხება მიმდინარე მაჩვენებლების შედარებას 2019 წლის ანალოგიურ პერიოდთან შედარებით ზრდა 8%-ია.
ნატახტარი აეროდრომი კი 2024 წლის 8 თვეში 11 911 მგზავრს მოემსახურა, რაც პანდემიამდელ მაჩვენებლებთან შედარებით 108%-იან ზრდას გულისხმობს.
avianews.ge
