საინიციატივო ჯგუფი – „ტყის მეგობრები“ – ლანჩხუთის მუნიციპალიტეტში ახორციელებს პროექტს, „საფეხმავლო ბილიკის აღდგენა-განვითარება და ტყის არამერქნული პროდუქტების პოტენციალის ათვისება ტყის მდგრადი მართვისთვის“.
პროექტი ითვალისწინებს სოფლების: ორაგვე-აცანის ისტორიული საფეხმავლო ბილიკის აღდგენას, მოსახლეობის დაინტერესებული ნაწილი ისარგებლებს ტყის არამერქნული პროდუქტებით, როგორიცაა წაბლი, კაკალი, ტყის თხილი, მდელოს მარწყვი, ჯონჯოლი, ეკალა, ანწლი, სოკო, მაყვალი და სხვა კენკროვანი ხილი.
ორაგვე-აცანის გადასასვლელი ბილიკი ისტორიული საცალფეხო გზაა, რომელიც აკავშირებს გურიის ქედის ჩრდილოეთ კალთის სოფლებს, ქედის სამხრეთით მდებარე სოფლებთან (სოფელ ორაგვეში იყო გურიის მთავართა საზაფხულო რეზიდენცია და ბიბლიოთეკა, აქ დაიწყო მწერალმა ეგნატე ნინოშვილმა დაწერა რომანისა „ჯანყი გურიაში“).
ბილიკი მიემართება ფოთლოვან ტყეში, რომელიც ხასიათდება განსხვავებული მიკრო კლიმატით და ლამაზი ლანდშაფტებით. ტყე ისტორიულად ცნობილია მტრების შემოსევების დროს (როგორც მოსახლეობის თავშესაფარი ადგილი) მოსახლეობის თავშესაფრად.
ტყეში მოიპოვება ტყის მრავალი არამერქნული პროდუქტი, ბინადრობს სხვადასხვა სახეობის ცხოველი.
ბილიკის მეშვეობით მგზავრი გადადის სოფელ აცანაში, სადაც შეუძლია მოინახულოს ელინაბადოს ჩანჩქერი, საქუხიას კანიონი, ოქონას და წმ. ნინოს სახელობის მონასტრები, შემდეგ განაგრძოს გზა აცაურას ხეობით მდინარე სუფსის შესართავამდე.
ბილიკი განახლდა შვეიცარიის განვითარებისა და თანამშრომლობის სააგენტოს (SDC) ფინანსური მხარდაჭერით, პროექტის, „საქართველოში ტყის სექტორის რეფორმის განხორციელების მხარდაჭერა – ECO.Georgia“ ფარგლებში.
