ამერიკულმა კომპანია Berkshire Hathaway Travel Protection-მა 2026 წლისთვის ტურისტებისთვის მსოფლიოს ყველაზე უსაფრთხო ქვეყნების რეიტინგი წარმოადგინა. კვლევა დაფუძნებულია მშვიდობის გლობალური ინდექსის (Global Peace Index) მონაცემებზე, Numbeo-ს და GeoSure Global-ის ანგარიშებზე, ასევე იმ ამერიკელების გამოკითხვებზე, რომლებიც ბოლო ხუთი წლის განმავლობაში მოგზაურობდნენ საზღვარგარეთ.
სიაში პირველი ადგილი ნიდერლანდებმა დაიკავა, რომელმაც მაღალი შეფასებები მიიღო უსაფრთხოების დონის, ჯანდაცვისა და ტოლერანტობისთვის.
ტოპ 10 ყველაზე უსაფრთხო ქვეყანა 2026 წელს
| ადგილი | ქვეყანა |
| 1 | ნიდერლანდები |
| 2 | ავსტრალია |
| 3 | ავსტრია |
| 4 | ისლანდია |
| 5 | კანადა |
| 6 | ახალი ზელანდია |
| 7 | არაბთა გაერთიანებული საამიროები (UAE) |
| 8 | შვეიცარია |
| 9 | იაპონია |
| 10 | ირლანდია |
შარშანდელი გამარჯვებული, ისლანდია, მეოთხე ადგილზე დაქვეითდა. რეიტინგზე გავლენა იქონია ვულკანების სერიულმა ამოფრქვევებმა, რამაც ტურისტულ ინფრასტრუქტურაზე იმოქმედა. მიუხედავად ამისა, ქვეყანა ინარჩუნებს უსაფრთხოების მაღალ დონეს.
კვლევის ავტორები აღნიშნავენ, რომ რეიტინგი ასახავს სიტუაციას „დროის კონკრეტულ მომენტში“ და შეიძლება სწრაფად შეიცვალოს. სტიქიურმა კატასტროფებმა, პოლიტიკურმა არასტაბილურობამ ან დანაშაულის ზრდამ შეიძლება უსაფრთხოების დონე შეცვალოს ყველაზე კეთილდღეობიან ქვეყნებშიც კი.
avianews.ge
