ესპანეთში კატალონიის ავტონომიურმა თემმა ტურისტული გადასახადის გაორმაგება გადაწყვიტა. ახლა მისი მაქსიმალური ტარიფი €15 ღამეში იქნება. ახალი წესები ძალაში წელს შევა.
კატალონია, რომელიც მდებარეობს ესპანეთის ჩრდილო-აღმოსავლეთში, ქვეყნის ერთ-ერთი ყველაზე პოპულარული ტურისტული ადგილია.
ესპანეთის ეროვნული სტატისტიკის ინსტიტუტის (INE) მონაცემებით, 2024 წელს ქვეყანას თითქმის 20 მილიონი ტურისტი ეწვია.
Sagrada Familia featuring a church or cathedral, a city and heritage architecture / Photo: expedia.com
ტურისტული გადასახადი აქ 2022 წლიდან შემოიღეს და მისი ოდენობა დამოკიდებულია საცხოვრებელი ადგილის ტიპზე.
ახლა, მაგალითად, ხუთვარსკვლავიან სასტუმროებში ყოფნისას ტურისტებს ღამეში 7,50 ევროს გადახდა უწევთ, ოთხვარსკვლავიან სასტუმროებში – 5,70 ევროს გადახდა, ნაქირავებ ბინებში კი გადასახადი დღეში 6,25 ევროა. ახლა კი თანხა გაორმაგდება.
ტურისტული გადასახადიდან მიღებული შემოსავლის მინიმუმ 25% მოხმარდება დაბალი შემოსავლის მქონე ჯგუფების საცხოვრებელი პირობების გაუმჯობესებას.
რეგიონული ხელისუფლება იმედოვნებს, რომ ეს ხელს შეუწყობს საცხოვრებლის უფრო ხელმისაწვდომობას მათთვის, ვისაც ეს სჭირდება.
avianews.ge
