გადასვლა მთავარ შიგთავსზე
აჭარაGiorgi

Hill Inn-ი ზაფხულის სეზონს განახლებული სივრცით შეხვდება – ინვესტიცია $500 000-ია

ყველა სიახლეზე დაბრუნება

მაღალმთიან აჭარაში,  ქედის სოფელ დანდალოში გლემფინგის (ველურ გარემოში მოწყობილი სახლი) მოყვარულებს პრემიუმ კემპინგი Hill Inn-ი სტუმრებს წელს განახლებულ სივრცეში უმასპინძლებს. ამის შესახებ ‘’ლაქშერ კემპინგ“ Hill Inn-ის თანადამფუძნებელი მაია ვერძაძე ‘’ბიზნესპარტნიორთან“ აცხადებს.

მისი ინფორმაციით, რეაბილიტაციის პროექტი მოიცავს ახალი ნომრის, აუზების და რესტორნის დამატებას, რომლის საინვესტიციო ღირებულება ნახევარ მილიონ დოლარს  შეადგენს. ამ ეტაპზე სასტუმრო წარმოდგენილია 5 ნომრით და 16 ადამიანის განთავსების შესაძლებლობა აქვს.

მაია ვერძაძე კემპინგის მიმართ მზარდ მოთხოვნაზეც საუბრობს და აცხადებს, რომ ,,სასტუმრო ხეზე“ დამსვენებლებში დიდი პოპულარობით სარგებლობს . რეალურად ეს არის მაქსიმალურად ბუნებრივი და კომფორტული საცხოვრებელი გარემო.

პანდემიურ პერიოდში შექმნილი კემპინგის სერვისების მიმართ მოთხოვნა 2023 წელს 20%-ით იყო გაზრდილი. ვერძაძე ფიქრობს, რომ რეაბილიტაციის პროექტით  შესაძლებელი იქნება ამ მაჩვენებლის,  მინიმუმ 50%-მდე გაზრდა.

რაც შეეხება სეგმენტს, უცხოელი და ქართველი მომხმარებლები სასტუმროს თანაბრად სტუმრობენ.  როგორც Hill Inn-ის თანადამფუძნებელი აღნიშნავს, ყველაზე მეტი მოთხოვნა არაბეთის ქვეყნებიდანაა, განსაკუთრებით დუბაიდან. ამასთან, დამსვენებლებს შორის არიან ბელარუსის, უკრაინისა და რამდენიმე ევროპული ქვეყნის მოქალაქეებიც, მათ შორის, პოლონეთიდან და გერმანიიდან.

‘’ზაფხულის სეზონის წინ განახლების პროცესი დავიწყეთ. აბსოლუტურად  ყველაფერს ვცვლით. ცვლილება როგორც ინტერიერის ნაწილს,  ასევე ექსტერიერს შეეხება. დავამატებთ აუზს, რომელიც ყველა ნომერს ინდივიდუალურად  ექნება და ზაფხულის სეზონზე სტუმრებს უკვე განახლებულ გარემოში დავხვდებით. სამუშაოებს მაისის ბოლოს დავასრულებთ. ჩვენი განთავსების ობიექტი მდებარეობს ტყეში, სიმწვანეშია ჩაფლული, ის ტერიტორია, სადაც ახლა ტენტები არის განთავსებული, ხეებს ესაზღვრება.

ზოგადად კემპინგი, როგორც ტურისტული მიმართულება საკმაოდ განვითარდა საქართველოში. დღეს უკვე აჭარაში, რამდენიმე ასეთი ობიექტი ფუნქციონირებს, თუმცა  პირველები ვართ, ვინც ეს სერვისი დანერგა რეგიონში“, – აცხადებს მაია ვერძაძე.

ცნობისთვის, Hill Inn-ი 2020 წლის მაისში გაიხსნა და წლის ყველა სეზონზე მუშაობს. სასტუმრო ასევე კინოთეატრს, ბიბლიოთეკას და სპა ზონას მოიცავს.

ტურისტულ ობიექტში 15-მდე ადამიანია დასაქმებული. ზაფხულის სეზონიდან დამატებით 4-5 ადამიანი დასაქმდება.

bp.ge

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ხელოვნური ინტელექტი ავიაციაში და საერთაშორისო ავიაკომპანიების ციფრული ტექნოლოგიები
აჭარა

როგორ იყენებენ საერთაშორისო ავიაკომპანიები ხელოვნურ ინტელექტს და რას ნიშნავს ეს საქართველოს ტურიზმისთვის?

ხელოვნური ინტელექტი ავიაციაში სულ უფრო მნიშვნელოვან როლს იკავებს და საერთაშორისო ავიაკომპანიების მუშაობის წესს ცვლის. Qatar Airways, Wizz Air, Lufthansa და Turkish Airlines უკვე იყენებენ ხელოვნური ინტელექტის ტექნოლოგიებს მგზავრთა მომსახურების გასაუმჯობესებლად,…

ზამთრის დასვენება საქართველოში - გუდაურის სათხილამურო კურორტი
აჭარა

რა ეღირება ზამთრის დასვენება საქართველოში 2026-2027 წელს – სათხილამურო აბონემენტები, სასტუმროები და ტრანსპორტი

ზამთრის დასვენება საქართველოში 2026-2027 წლების სეზონზე გაძვირდება. საქართველოს ოთხ მთავარ სამთო-სათხილამურო კურორტზე - გუდაურში, ბაკურიანში, მესტიასა და გოდერძიზე - საბაგიროების ახალი ტარიფები უკვე ცნობილია. ერთდღიანი აბონემენტების ფასი საქართველოს მოქალაქეებისთვის 50-დან…