გადასვლა მთავარ შიგთავსზე
თბილისიtravelnews.ge

Pullman Tbilisi ქვეყანაში MICE ტურიზმის პოტენციალზე

ყველა სიახლეზე დაბრუნება
pullman tbilisi
pullman tbilisi

MICE ტურიზმზე მოთხოვნა გაზრდილია, როგორც უცხოური, ასევე ადგილობრივი კერძო კომპანიების მხრიდან, – ამის შესახებ “ბიზნესპარტნიორთან”  Pullman Tbilisi Axis Towers-ის მარკეტინგის დეპარტამენტის ხელმძღვანელი თათია ჩიკვაიძე აცხადებს.

მისი ინფორმაციით, სეგმენტი საკმაოდ ფართოა და მოიცავს სხვადასხვა ინდუსტრიის წარმომადგენლებს, მათ შორის ფარმაცევტულ, ფინანსურ და თანამედროვე ტექნოლოგიურ კომპანიებს.

რაც შეეხება ქვეყნებს, მოთხოვნა უმეტესად თურქეთიდან, გალფის ქვეყნებიდან და ინდოეთიდან ფიქსირდება.

თათია ჩიკვაიძის შეფასებით, საქმიანი ტურიზმის მიმართულება მსოფლიოს მასშტაბით, საკმაოდ მზარდი ბიზნესია.  საქართველოს კი, ამ მხრივ, საკმაოდ დიდი პოტენციალი აქვს. თუმცა არის გარკვეული გამოწვევებიც, რაც ქვეყანაში  MICE ტურიზმის განვითარებას აფერხებს.

‘’MICE ტურიზმი საკმაოდ მაღალ დონეზეა ქვეყანაში, თუმცა განვითარების მეტი შესაძლებლობებია როგორც დედაქალაქში, ასევე რეგიონებში. ამისთვის საჭიროა უფრო აქტიური საერთაშორისო მარკეტინგული კამპანიები და პირდაპირი ფრენების გაზრდა, ამავდროულად თბილისში  დიდი საკონფერენციო სივრცეების სიმცირეა, სადაც დიდი კონგრესების ჩატარება იქნება შესაძლებელი.  

Pullman Tbilisi-ს საკონფერენციო სივრცეები თბილისში სიდიდით მეორეა. საკმაოდ აქტიურად ვთანამშრომლობთ საერთაშორისო კომპანიებთან, რომ გასვლითი კონფერენციები და ღონისძიებები მოვიზიდოთ“, – აცხადებს თათია ჩიკვაიძე.

მისივე ინფორმაციით, ამ ეტაპზე სასტუმროს ვიზიტორების  უმეტესობას  უცხოელი ტურისტები მეზობელი და გალფის ქვეყნებიდან, ასევე ჩინეთიდან და კორეიდან შეადგენენ. როგორც ჩიკვაიძე აცხადებს, ამ ეტაპზე შემცირებულია მოთხოვნა ევროპის ქვეყნებიდან. 

რაც შეეხება მიმდინარე ტენდენციას, მოთხოვნა მზარდია. კერძოდ, მიმდინარე თვეს, წინა წლის ანალოგიურ პერიოდთან შედარებით, Pullman Tbilisi-ს დატვირთულობა 24%-ით გაიზარდა და დაახლოებით 65%-ს შეადგენს.

როგორც Pullman Tbilisi Axis Towers-ის მარკეტინგის დეპარტამენტის ხელმძღვანელი აცხადებს, მიმდინარე წელს სასტუმრო მომხმარებელს ბევრ სიახლეს შესთავაზებს როგორც გართობა-დასვენების კუთხით, ასევე რამდენიმე ეკომეგობრულ პროექტს განახორციელებს.

Pullman Tbilisi საკმაოდ აქტიურად არის ჩართული Accor Group-ის ყოვლისმომცველი მდგრადობის პროექტში, რომელიც მიზნად ისახავს გარემოზე სასტუმროების ზემოქმედების შემცირებას და მდგრადი განვითარების ხელშეწყობას.

ასევე იგეგმება სასტუმროს ტერიტორიაზე ელექტრო ავტომობილების დამტენი მოწყობილობების ინსტალაცია, რაც შესაძლებელს გახდის სტუმრების ელექტრო მანქანებით მომსახურებას. სასტუმროს მენეჯმენტი აქტიურად მუშაობს პროექტზე, თუ როგორ შეამციროს საკვების ნარჩენები და მოვახდინოთ საყოფაცხოვრებო ნარჩენების სორტირება.

Pullman Tbilisi-ში არსებული ფრანგული რესტორანი Dumas-ი და თბილისში ყველაზე მაღალი სქაი ბარი Weather Report-ი საკმაოდ აქტიურად ატარებენ სხვადასხვა ტიპის ღონისძიებებსა და მუსიკალურ საღამოებს, რა მხრივაც მომხმარებლებისთვის წელსაც საინტერესო გეგმის შეთავაზება იგეგმება.

ცნობისთვის, Pullman Tbilisi Axis Towers 2022 წლის ივნისში გაიხსნა. Axis Towers-ის შუშის კოშკში განთავსებული Pullman Tbilisi უმსხვილესი ფრანგული ბრენდის Accor-ის ჯგუფში შემავალი 5-ვარსკვლავიანი სასტუმროა, რომელიც ძირითადად ბიზნეს ტურისტებზეა გათვლილი.

bp.ge

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

საქართველოს საიმიჯო სარეკლამო ბანერი ლონდონში
თბილისი

დიდი ბრიტანეთიდან საქართველოში ვიზიტები იზრდება – საქართველოს რეკლამა 50 ლოკაციაზე

დიდი ბრიტანეთიდან საქართველოში ვიზიტები იზრდება, რაც ბრიტანეთის ტურისტული ბაზრის მნიშვნელობას კიდევ უფრო აძლიერებს. საქართველოს ტურიზმის ეროვნული ადმინისტრაცია საერთაშორისო მოგზაურების მოსაზიდად დიდ ბრიტანეთში მარკეტინგულ კამპანიას აგრძელებს. კამპანიის ფარგლებში საქართველოს საიმიჯო სარეკლამო…

ტურიზმის შემოსავლების პროგნოზი და საქართველოს ტურისტული პოტენციალი
აჭარა

საქართველო ტურიზმიდან 2026 წელს $4.9 მლრდ-ს, 2027 წელს კი $5.3 მლრდ-ს მიიღებს – Galt & Taggart-ის პროგნოზი

საქართველოს ტურიზმის შემოსავლების პროგნოზი მომდევნო ორი წლისთვის ზრდის ტენდენციას აჩვენებს. საინვესტიციო კომპანია Galt & Taggart-ის შეფასებით, 2026 წელს საერთაშორისო მოგზაურობიდან მიღებული შემოსავლები 4.9 მილიარდ აშშ დოლარს მიაღწევს, 2027 წელს კი…

ხელოვნური ინტელექტი ავიაციაში და საერთაშორისო ავიაკომპანიების ციფრული ტექნოლოგიები
აჭარა

როგორ იყენებენ საერთაშორისო ავიაკომპანიები ხელოვნურ ინტელექტს და რას ნიშნავს ეს საქართველოს ტურიზმისთვის?

ხელოვნური ინტელექტი ავიაციაში სულ უფრო მნიშვნელოვან როლს იკავებს და საერთაშორისო ავიაკომპანიების მუშაობის წესს ცვლის. Qatar Airways, Wizz Air, Lufthansa და Turkish Airlines უკვე იყენებენ ხელოვნური ინტელექტის ტექნოლოგიებს მგზავრთა მომსახურების გასაუმჯობესებლად,…